Na sisi je najlepše, najsigurneše i navek teče mleko. Čim ste duže na njoj bolje vam sve stoji, svet vam lepše zgleda, morete sklopiti kapke i uživati kaj vam se to dogodilo. Neko vam sisu i namesti, a on sa strane sa smeškom gledi kak ste se dali vloviti na malu pipu, dok glavni cica veliku.
Sisa ima spremnik koji, pak, nije prevelik i stoga se treba dobro potrsiti da na vreme ufatite priliku i cicate dok morete. Sisača je puno, nemre sisa svima udovoljiti, pa se uvlakači nastoje čim prije usisati, bez obzira na spol i spolne razlike. Ja bi tu, ja bi tam. Kolko ih ima, a svima se dobro prima. Nema tu više principa i načela, opravica i odijela, kravata i Hrvata. Bitno je cicanje.
Četvorogodišnje doba brzo projde i jao onome koji do cice ne dojde. Kočopere se kak purani i puranice ti naši Don Žuani i Žuanice. Sad buju malo i do morja, morti i do dupinskog rezervata gde su bili lani. Bumo vidli kolko su se nacicali. Pretpostavljam da su prek zime i proleća radili na sebi i da buju fajn spremni skočili do velike bare. Varoškog velemuža bumo negde našli da ga lepo izdaleka paparački skinemo kak zgleda vu kupaćima, s perajama i dihalicom.
Morti i neke druge najdemo jer dobro je činiti dobro dobrima i prikazati vam uživo kak je na našem delu Adrijatika o kojem će većina ovog leta sam sanjati, kak i negdar. Mi domaći bumo, kak i navek, do bazena kaj su složeni prije 65 let. Tam smo odrasli, tam smo se nafčili plivat i nemremo se ni dan-danas ftopit, makar bi nas najrajše zgrčkali.
Negdar je voda bila zelena, žapci su s nama delili kupku, ništ se vu njoj ni vidlo i nismo se žalili. Najme, ništ nismo vidli. Danas je lepa, čista, friška voda i prozirna i sve se vidi. Problem je vu tome, kaj se sve vidi, a onda se sve i zna. Zanimljiva mi je fora jenog našeg siromaka koji je prvi put došel vu parlament. Pitali ga u restoranu kaj želi. On veli, štel bi se tu zadržat četri let. Kelner ga pita, zakaj. Jednostavno, došel sam kak siromak, a otišel bum punih đepova.
Volim KŽ i CRO, dok sam na sisi.
mn/prigorski.hr