Goran Jakuš/Pixsell
Goran Jakuš/Pixsell

DOMAĆE JE DOMAĆE KaŽe afinger

Negdar je bilo lepše jel smo bili u cvetu mladosti, a sad nas vreme gazi kak đurek katicu. Bilo je malo auteka, tu i tam je neko imal biciklina i svi smo bili pešaki. Nisu nam trebale nikakve staze i bili smo si dobri, makar smo se tu i tam vu igri rata potukli.

Mogli smo se ko deca loptati odozgor prema dol, sanjkati kod Svetokriške i skakati u onu lepu zelenkastu vodu vu bazenu, kaj se celo leto nije menjala. Nikaj nam ni bilo. Bili smo črni kaj Arapi, zdravi ko dren, a i teka smo imali. Kak nam je pasala mast na kruhu, a viršleke si malo ko mogel priskrbiti. Čekali smo matineju vu kinu kak ozebli sunčeko.

Prvog Vinetua smo gledali na švapskom jeziku i zbilja sam vu to vreme mislil da indijaneri govore kak nemci. Jenput su ga drapili i na slovenskom, pa se, kak danas sečam da su črveni napali bele i ondak je jen kauboj upal u salun i rekel bežte fanti, prihajaju indijaneri sa žganama strelama.

Ko mali šmrkljvec sam užival v tekmama debelih i mršavih, jer mi je tatek igral za mršave i nisam mogel razmeti kak su ovi drugi tak popunjeni. Posle mi bilo jasno. Oni su jeli za stolom, a drugi pod stolom. To se ni promenilo. Jedva smo čekali svate kad su izlazili iz crkve. Mi smo vikali, kume, izgore ti kesa a on nam je onda hitil hrpu onih aluminijskih dinara.

Je, ruku na srčeko, stari Ivek nam je pola tog pobral, al smo si ipak nekaj vlovili za kolače i kino. Sladit smo se išli ili kod Vebija, Dulea ili Zemljaka koji je imel najfinije kolače i sladoled, ali su njegovi bili puno manji nek kod ovih drugih. Kad je za lizanje izbacil pistaciju svi smo poludeli za tim, al ne dugo i vratili smo se lizanju omiljene čokolade i vanilije.

Osamdesetih, pak, ni bilo ni struje, nit papira za šekret, nit deterđenta, a gazda Dule je prek puta otišel vu samoposlugu pitat jel je došel deterđent, Cure su mu rekle da ni, a on im je mam odgovoril, kak ni, a svi smo čisti. Setim se i Bonaventure kaj je išel vu hižu po lojtrici gor i dol, jel je bil brz na jeziku, a onima prije ni to pasale. Nije se, kaj se toga tiče, nikaj promenilo. Zato je i nastal KaŽe afinger.

mn/prigorski.hr

Komentari

Komentara

Provjerite i ovo

ilustracija

VIDEO NAJAPSURDNIJI PROPISI ZA MALE PODUZETNIKE Nije lako voditi obrt ili tvrtku u Hrvatskoj

Izgleda da je voditi obrt ili tvrtku u Hrvatskoj jednako vođenju svemirske postaje. Svaki dobar …

Jurica Galoić/PIXSELL

Zagreb: Na Velesajmu otvoreno sedmo izdanje Reboot Infogamer sajma

Na Zagrebačkom Velesajmu otvoreno je sedmo izdanje Reboot Infogamer sajma, jednog od najvećeg gaming sajma …