Kak je ove dane vreme hudo i sve mi se oko mene čini ludo, kak da se pri nama snima rimejk Leta iznad kukavičjeg gnezda. Tam se znalo ko je čif, a danas teško, makar si neki utvaraju da su Bogom dani.

Vetar tak puše da pada granje i komadi krova sa zaštićenog industrijskog zdanja koje godinama zgleda kaj da su nas savezniki jučer zneba gađali, a nebumo ni odštetu dobili. Vetar je navek …vetar, a mi se i okrenemo kak puše.

Problem je jedino ak bi šteli ono delati uz takav vetar u prirodi, bi sebe pošpricali. No, ni to nikaj kakav je vetar prašil na Dan norca 80. Onda je bila prava oluja koja je čupala stabla u školskim parkovima.

Parkovi su i dan danas lepi, al su onda bili puno lepši. Znal je onaj odozgor zakaj nam je to poslal 4. srpnja. Pretpostavljam radi čekića i srpa, pa je odlučil da nam bude granja hrpa, kak da je znal da se za deset let nebumo znali držati skup. Sve je to, rekel bi, delo braće Marks kojima je teorija išla od ruke, al su praktičari sve zaribali.

U mom lepom taunu je sve lepše i sve bolje kaj još nisam skužil, al bum. Od prvog petog krenulo je ravrstavanje u kante s ovom i onom bojom i nemremo se posle delat Daltonistima da nismo prepoznali farbu na poklopcu, pa smo zabunom hitili u onu drugu, susedovu.

Moj je predlog da prvi u svetu počnemo razvrstavati i fekalija, one z male nužde na jedno mesto, a one kupice na drugo. Najme, kaj. Za sto let bu to vredilo ko suho zlato, a vele, ak stanete vu tu kupicu, bute imali sreće. Navek je to tak, bolje se roditi bez njega, nego bez sreće. Ak imate sreće, bu se i on razvil u pravu mrcinu, bez da se hranite šljivama iz dalekih krajeva.

Pozdravljam na sva zvona svih zvonika predlog koljektivne raspaljotke od 29.7. do 19.8. Napokon se neko toga setil. Sam bu delal šef i dežurni koji buju vam odgovarali ili nebuju na emajle i brzoglas.

Svi bumo na bazenu. Bumo se prali i čistili do novih radnih pobeda. To je to. Kad se vratimo s raspaljotke, delali bumo tak udarnički da bumo srušili sve rekorde u proizvodnji. Pred neki dan smo tak pojeli pol tone mesa. Vele da je to pohrdalo 800 ljudi.

Lepo sam to zračunal i dobil podatak da je po glavi nestalo 0,625 kg mesa. Kaj se toga tiče, niko nam ni ravan po jedači i pijači i zato su nam svi jalni. Živi se, najme, od jela, a ne od jala. 25.5. se ne radi. Znate zakaj, onda se trči. Ko to kaže, afinger KaŽe.

mn/prigorski.hr