U sklopu Tjedna kajkavske kulture, koji se u Krapini održava od 7. do 13. rujna, i jubilarnog 60. Festivala kajkavske popevke, održan je i Recital kajkavskog pjesništva 2025. u organizaciji Društva za kajkavsko kulturno stvaralaštvo. Među 77 autora zastupljenih u ovogodišnjem Zborniku kajkavske lirike, posebno se istaknule tri Vrbovčanke – Dragica Čulig, Katarina Zadrija i Božica Črljenec Slijepčević.
Zastupljenost čak triju autorica s vrbovečkog područja potvrđuje da je kajkavska riječ i dalje snažno živa u ovom kraju te da se uspješno prenosi na nove generacije čitatelja i slušatelja.
Festival i recital u Krapini ponovno su pokazali da kajkavski izričaj nije samo jezična posebnost, nego i važan dio kulturnog identiteta.
Donosimo pjesme.
Dragica Čulig
O NAMI
Ne mrem zmisliti
Da bi ti mogla stara biti
Da i tebi vrieme ide
Negda hitim joke na te
Pak se začodim
Kaj vidim da ti
Narozale se lice
I lasi so ti sedi
Ah, znam, znam
Temu nišče zbeči nemre
Ma nikaj zate
Gda se nasmeješ
Niš od tega ja ne vidim
Kak i negda
Moje joči
Vidiju same tvoju liepotu
Se si mi dragša
I znam da
Sem bingo onu večer
Predi pone let
Dobil
Gda sem te prvič videl
Kaj ne bi sama ostarela
I moji so lasi bieli
A roke su se slapše
Nikaj to ni važne
Navek bume skupaj
Kaj nam got vrieme donese
(Govor okolice Vrbovca: Narozale- naborale, zbeči- izbjeći, dragša- draža, slapše- slabije)
Božica Črljenec Slijepčević:
SVET KAK BOG ZAPOVEDA
Criekvica na bregu zvoni
Hižice z črlenemi krohi
Stezice kak zeleni tepiheki
Cveteki na vsakomu obluku
Stari zdenec z rožami obraščeni
Limena kanta pouna zdene vode
Goske, race, purani vu trnacu
Žotiju se hruške , črlene se jabuke
Grozdje zlatno zove berače
Babica vu fertunu nosi jajca
Pes lovi mačka vu štaglju
Deca se penjeju po plastu sena
Zlazi se šenica , dišiju livade
Gledim na stroj škrinji kuglu
Staklena kugla i vu njoj selo
I mužiku čujem , svati idu
Staklena kugla i vu njoj selo
Još same vu njoj je mali svet
Svet kak Bog zapoveda
(govor Vrbovca i okolice)
Katarina Zadrija
KAK MOUHINE KOUŠČE
Vidla sem hekljarice.
Za zamuš nekomu
hekljale su opravu.
Bez batekov i igli
z si svoji osem noug,
držale se zoubmi za zrak.
Bile su marne
ze špicanu kiklju
od najbolše svile
vabile me nek sproubam
kak mlada čez šlajer
nek poluknem vun.
Z špinadljeki
heftale su špicu,
tuđu su kiklju
navlječi mi štele
od moje drugomu
opravu bi splele.
Od katatičic dale bi
venček mi na glavu,
gda tuđi je šlajer
titral spred mene.
Ja nies štela v njega.
Grdi se pavuk
vuz lasi mi spustil
i oči spiti štel.
Z tešku sem mouku
zmljiela se vun.
Da zmljeti se
nies nafčila
z te gouste kaše
previejane hekljarice
do koušča bi spile
saj mouj bitek.
Kak mouhine koušče
i moje bi visle veda
na pavučinju
z grede pod krovem.
Govor sela Lovrečka Velika kraj Vrbovca
previejane-promučurne
