Davor Puklavec/PIXSELL
Davor Puklavec/PIXSELL

KaŽe AFINGER: Trckanje i zvrckanje

Trckanje je vu Križevcu bilo preteča modernog kockanja. Kak smo se nahitavali s dinarjima čija bu kovanica bliže crti, kak bi pobrali celi ulog. Upražnjavali smo tu športsku disciplinu vu parku pred školom, skriveni pod borovom krošnjom i drapali smo ga po svim vremenskim i nevremenskim uvjetima.

Po kiši i blatu, kovanica se bolje ukopala, a to kaj smo si zmazali ruke ni bilo bitno. Novac je novac. Bilo je za bombončeke ili koje fino pecivo kaj je Šilović dopremal vu školu. Problem je nastal kad su nas vučitelji skužili. Bogmeč smo od straha skoro napunili gaće, al nam nebi bilo žal zbog toga, nek kaj su nam pobrali pinku i ko zna jel su to potrošili kod Stipića ili su metnuli vu školsku kasu.

Posebno smo se bojali Fresla, zbog pogleda, jer nismo znali kam i vu koga gleda. Znal nas je lepo našpotati, a i “podragati” kojom fliskom. Jenput sam se doma požalil tateku koji je došel vu školu, pa završil na gemištima s Dragecom.

Kad se vratil, još sam jednu “turu” dobil doma, jer mu je Dragec rekel da se trckam i još sa ekipom bunkere delam iznad škole vu jenoj grabi. Tatek i Dragec su bili siti bunkera i kojekakvih ratnih igara, znate zbog čega i fala im kaj su me na vreme sprečili jer bi, inače, postal bunkeraš i ko zna kaj još. Bili smo zvrckani kaj zvrk. Nigdar nismo mogli bit na miru. Na črlenom šoderu smo loptu nateravali, a doma smo se vratili ofarbani.

Morte si misliti, kak je to bilo lepo za prati, bez vešmašine i vu vaštruku u kojem smo se i kupali. Svakakve smo ludorije delali. Pokojni Tomina nam je bil predvodnik. Jenput nas je otpeljal duboko vu Ratarsku šumu, med onu crnogoricu. Vani dan, a vnutra kmica. Idemo mi tak po šumi i naletimo na kostur, ne znam čiji, ali ljudski ni bil. Kaj smo mi to znali.

Tak smo se splašili da smo iz šume do stadiona srušili svetski rekord u trčanju na dah, a Tomina nam se smijal kak nas je zaribal. Nismo mu verovali i više nas ni vrag nebi nateral vu šumu. Vu poznim godinama si mislim, kak ni čudno kaj smo imali rešpekt i strahopoštovanje prema svima koji su iz šume zišli. Bili su to hrabri ljudi.

mn/prigorski.hr

Provjerite i ovo

Hrvoje Jelavić/PIXSELL

Prometne nesreće u Kenđelovcu, Križevcima i Rasinji – jedna osoba ozlijeđena

Koprivničko-križevačka policija izvijestila je o prometnim nesrećama koje su se dogodile tijekom četvrtka. Naime, nesreća …

turnir80

Večeras kreće malonogometno ludilo u Križevcima!

Večeras u 18 sati počinje jubilarno izdanje 20. malonogometnog turnira  Križevci 2018. “Ožujsko-KTC” i 2. …