Nije me iznenadilo kaj bu večeras na Silvestrovo na leponaškoj dalekovodnici slikopis Smisao života Montija Pajtona i Odiseja u svemiru. O smislu i besmislu je najbolše brbljati vu satiričnom tonu, a Odiseja tak i tak navek čeka Penelopa.
Negdar sam volil slušati folkrokere iz Belog puceta i onu njihovu Doživeti stotu. Si mislim, pol puta sam odavno prešel i nadam se da bum došel do tog cilja. Ak je deda Rogoz vu tim godinama još štekal, ne bi imal ništ protiv da me strefi vu tom trenutku. Uzdah-izdah i konec.
Kak starim, život mi sve više sliči na Božansku komediju, a pitam se pitam vu kojem činu bum se, jednog lepog dana, najviše zadržal. Jel bum na ledu ili ognju. Dvojbeno je, jedino, jel bum strvdnut, jel se bum se otopil, ili bum reš pečen.
Ovo zadnje bi još nekak mogel rešit s kopertonom da sam pocrnim, a ne izgorim, ovo prvo me više muči jel bi me nakon puno let mogli najti i vratiti u život. Gledam okolo i vidim da bolše prejdu oni kaj mudroslove, od onih kaj delaju.
Idemo delati, kak bi se mogli vu lepim kolicima pelati. Fordovska je fora da je svrsishodnije jen dan u životu biti bogat, nego celi život kak crkveni mišek. S tim se nebi složil.
Radije bi dosegnul stotku, nego vmrl s punim džepom penez. Superhik je, kak znate, uzimal bokcima, kak bi dal vlastima. Kak su vu stripovima pred četrdeset let znali proceniti smisao života. Jel se kaj promenilo? Bude, ali ne znam kad će!!!
Svim ljudima pravog kova, Sretna Nova!!!
mn/prigorski.hr