Kad počnem misliti, navek se zafrknem. Postojim li, ili ne. Mudroslovija. Morti je, morti ni. Ko bi bolše egzistiral vu našoj Lepoj, Robin Hud iz šervudske šume iliti Superhik iz Alana Forda.

Hud bi sigurno bil lud vu našoj realnosti. On je uzimal bogatima, kak bi dal siromahima. Superhik je, pak, vse zel bokcima i dal onima kaj puno imaju.

Bokcima je navek bila ona popevka na pameti, džepovi mi prazni, a duša mi puna, a tajkljuni su ionak bezdušnici. Bil je i onaj streličar kaj je znal pogoditi jabuku na nečijoj glavi, sve dok ni pokušal selfi. To mu je bila zadnja proba, a zgoda s jabukom poznata je od početka sveta.

Otkad živimo u demokraciji, dovlekli su nam se kojekakvi običaji koji s običajima pojma nemaju. Tak smo tikve mesto za hranu za nas i stočni fond počeli trošiti za pučku zabavu. Postali smo tikvani. Sve je to uvezeno iz najdemokratskije zemlje sveta, e Sadea.

Tam se svako mole poteže kak na divljem zapadu i s koltima ide trampa kak nigdar. Si mislim zakaj je Melica zela Dončeka za zakonitog i kak su se opće upoznali. Navodno se on njoj predstavil, a ona se zaledila od njegove pojavnosti. Išlo je ovak. “Melica pčelica, ja sam Don Tramp.” “No i kaj sad, baš i nisi neki”. “Ja sam Tramp i imam dobar kramp”. “To je već nekaj drugo.

Mam si porasel u mojim okicama”. Tak je to sve skrenulo. Pri nama je išlo ovak, da se ne zadubim predaleko u prapovijest kak Broj 1 iz Forda. Mi smo prvo bili u Austrougarskoj, pa nam ni pasalo, pa vu Kraljevini, pa nam ni pasalo, pa vu komunizmu, pa nam ni pasalo, pa smo se osamostalili kak se vidi, pa nam ni pasalo. Smo onda ušli u eu au. Ispada da gde smo god došli, sve se raspalo, a nakon izlaza iz eu, bumo prešli u esade.

Mi smo prava samostrelka. Ak bi se vratil na početak priče, se setim i stripova kaj smo ko klinci gutali, jer klinci pojma nemaju, o Mirku i Slavku. Kakvi su to bili junaci. Junačine. Najbolja je fora vu tom stripu bila kada Slavko veli Mirku. “Mirko, pazi metak”, a ovaj mu odgovori “Hvali ti Slavko, spasio si mi život.”. Ima li nade za nas. Ona zadnja umire. O bokcima sve najbolje. Za njih navek pripravni.

mn/prigorski.hr